Cwestiynau cyffredin

Tîm Allweddi Caerffili fydd yr un pwynt cyswllt ar gyfer landlordiaid a thenantiaid. Byddwn ni’n paru pob tenant priodol ag eiddo perthnasol. Yna, byddwn ni’n cynnal arolygiadau dilynol i wirio bod popeth yn mynd yn dda gyda'r tenant a'r eiddo, a byddwn ni’n rhoi gwybod i chi a oes unrhyw broblemau a'ch cynorthwyo chi i fynd i'r afael â nhw. Nid yw'r dull hwn yn cael ei sbarduno gan fusnes; mae'n rhan annatod o'n dull dewisiadau tai arloesol. Mae gennym ni gysylltiadau gweithio agos iawn gyda phob adran y Cyngor, Credyd Cynhwysol ac asiantaethau allanol eraill. Rydyn ni’n teimlo y bydd y dull hwn o ailgartrefu yn gwella hirhoedledd unrhyw denantiaeth drwy gyd-ddealltwriaeth rhwng y landlord a’r tenant a thrwy sicrhau bod cymorth priodol yn gysylltiedig â thai ar gael.

Tîm Allweddi Caerffili fydd yr un pwynt cyswllt ar gyfer landlordiaid a thenantiaid. Byddwn ni’n paru pob tenant priodol ag eiddo perthnasol. Yna, byddwn ni’n cynnal arolygiadau dilynol i wirio bod popeth yn mynd yn dda gyda'r tenant a'r eiddo, a byddwn ni’n rhoi gwybod i chi a oes unrhyw broblemau a'ch cynorthwyo chi i fynd i'r afael â nhw. Nid yw'r dull hwn yn cael ei sbarduno gan fusnes; mae'n rhan annatod o'n dull dewisiadau tai arloesol. Mae gennym ni gysylltiadau gweithio agos iawn gyda phob adran y Cyngor, Credyd Cynhwysol ac asiantaethau allanol eraill. Rydyn ni’n teimlo y bydd y dull hwn o ailgartrefu yn gwella hirhoedledd unrhyw denantiaeth drwy gyd-ddealltwriaeth rhwng y landlord a’r tenant a thrwy sicrhau bod cymorth priodol yn gysylltiedig â thai ar gael.

Mae'r trefniadau gyda landlordiaid yn amrywio; efallai y byddai'n well gan rai landlordiaid wneud eu trefniadau eu hunain tra bod landlordiaid eraill angen mewnbwn allanol. Mae'n ofynnol i landlordiaid sicrhau bod trefniadau gwasanaethu a chynnal a chadw nwy yn eu lle. Yn 2018, newidiodd y gyfraith i adlewyrchu’r gofyniad i unrhyw osodiadau newydd ac unrhyw adnewyddu tenantiaethau ar gyfer eiddo sy'n cael ei rentu yn y sector rhentu preifat gael isafswm perfformiad ynni o (E) neu'n uwch. Gallai unrhyw eiddo sy'n torri'r gofyniad hwn wynebu cosb sifil o hyd at £5,000. Rhaid i bob eiddo gydymffurfio â'r System Mesur Iechyd a Diogelwch ar gyfer Tai (HHSRS).

Bydd y tenantiaid sy'n byw yn yr eiddo yn gyfrifol am holl filiau Treth y Cyngor, dŵr a thanwydd. Byddwn ni ar gael am unrhyw gyngor a chymorth sydd ei angen.

Bydd y trefniadau ar gyfer casglu rhent oddi wrth eich tenant yn cael eu sefydlu fel ei fod yn mynd atoch chi’n uniongyrchol. Byddwn ni’n rhoi cyngor i chi ynghylch lefelau rhent y farchnad ac yn cytuno ar gyfradd rhentu gyda chi. Ni fydd Allweddi Caerffili yn gyfrifol nac yn atebol am unrhyw achosion pan fydd y tenant wedi mynd yn groes i'r denantiaeth, e.e. ôl-ddyledion rhent neu pan fo'r tenant wedi ymadael â'r eiddo. Fodd bynnag, byddwn ni ar gael i roi cyngor a chymorth. Os ydych chi’n casglu rhent mewn arian parod, mae'n rhwymedigaeth gyfreithiol arnoch chi i gael llyfr rhent. Os oes angen camau cyfreithiol, gallwn ni eich helpu a'ch cynghori chi lle bo hynny'n briodol. Fel y landlord, rydych chi’n dal i fod yn gyfrifol am eich eiddo ac unrhyw rwymedigaethau sy'n digwydd iddo. Fodd bynnag, drwy ein harbenigedd a'n cymorth ni, ein nod yw lleihau'r risg y byddwch chi’n gorfod mynd i'r afael â'r problemau hyn. Dylech chi hefyd sicrhau eich bod chi’n ceisio cyngor cyfreithiol annibynnol yn y mater hwn

Unwaith y bydd eich eiddo wedi'i asesu, byddwn ni’n trafod lefelau rhent y farchnad a gyda'n gilydd yn gwneud penderfyniad ar eich cyfradd rhentu.

Mae gennym ni ddiddordeb mewn eiddo ag un, dwy, tair a phedair ystafell wely heb ddodrefn. Fodd bynnag, gall y math o eiddo sydd ei angen arnom ni a'r ardaloedd lle mae angen cartrefi arnom ni amrywio dros amser.

Byddwn ni’n ystyried pob ardal ac eiddo beth bynnag fo'r galw.

Gallwn ni roi gwybodaeth/cymorth i chi ynghylch argaeledd benthyciadau/grantiau bach i ddod â chartrefi gwag yn ôl i ddefnydd. Gallwn ni ddarparu cyngor am ddim ar asesiadau ar gyfer Tystysgrif Perfformiad Ynni (EPC) ac asesiadau'r System Mesur Iechyd a Diogelwch ar gyfer Tai.

O dan Ddeddf Tai (Cymru) 2014, mae rhwymedigaethau cyfreithiol ar landlordiaid sydd ag eiddo rhent yng Nghymru. Mae'n ofynnol i bob landlord sydd ag eiddo rhent yng Nghymru sy'n cael ei rentu ar denantiaeth sicr, tenantiaeth fyrddaliadol sicr neu denantiaeth reoleiddiedig gofrestru; y ffi yw £33.50 ar-lein. Mae'n ofynnol i landlordiaid sy'n ymgymryd â thasgau gosod a rheoli yn eu heiddo rhent yng Nghymru wneud cais am drwydded; y ffi yw £144.00 ar-lein.